تعرف موت احبك انت تدريني

رحلت عني وماكلت وين تريد

وسنين ابعدت منتظرك تجيني

وبالقلب حبك اعلى من الجبال

تعرف موت احبك انته تدريني

وبدونك اموت واندفن جوة تراب

باقي حبك بالقلب هوا اليواسيني

ارضى شما تكول وتريد اشروط

بس شرط ما ارضه بهجرك تحاجيني

لحظه بغيابك مااحتمل والله

انه بغير حبك ياعشك يكفيني

ما ازعل عليك شما تزيدانيح

و ما اضمد جرحي انته التداويني

غمض عيونك كالو يجي المحبوب

و عله مودك سنين مغمضهه عيني

منتضرك بس للاسف ماجيت

وك شبيك حتى لو بطيوفي حاجيني

ماانساك شما تسوي وياي

ولا منك ازعل يالجنت هاويني

موبيدي احبك وادري انته السيف

وكرابك اني وبيدك تنهيني

موتني بيدك صدكني والله ارتاح

وماكولن جنت انته المعاديني

وك مشتاك الك صدكني حد الموت

واحسك جوه الرمش ساكن بعيني

مااتحمل بعد صدكني بيه النار

بالقلب نارك تلهب تجويني

اني هم قلب عندي ومثلك انسان

روحي ويه روحك متعلكه تدريني

صدكني بعدك لحضه مااعيش

مريض ابقى ومحد يداويني

كل دوه ماينفع بعد للروح

ادواي يمك وانته التشافيني

موبيدي احبك ومااريد انساك

يسألوني واكول لحضه ماناسيني

بس مادرو انته عني بعيد

للكتل تسعه ورايد تنهيني

» مو بالحجي احبك انته حبي