النـّهـَرْ يا ( حبّ ) صافيْ ..

دثـّرتْ كلّ الجوارحْ .. زمـّلتْ كلّ الشعورْ
عالجتْ كل الانيحْ .. و طهـّرتـْها بالدموعْ

كنتْ اظنّ القلبْ أكبر .. واثرْ / به غيرهْ غـَيـورْ
فيْ زوايا كل ظلمهْ .. يوقدَ الافْ الشموعْ

صحّ انا قلـْبيْ على كثراتْ ماصابهْ صبـورْ
بسّ قلبهْ منْ حنينـَهْ خايفٍ إنـّهْ يموعْ

كانْ فكـْريْ طولْ عـْمريْ ما يريـّحنـيْ يدورْ
ماعـْرف التاريخْ واجهـَلْ بعـْضْ أيـّام السبوعْ

يا حبيبيْ يا قريبيْ عارفٍ كلّ الامورْ
كانْ ما تدريْ تُـشَــوّفْ صورتكْ تحتَ الضلوعْ

اعذرَ الايامْ ترْها ما حصلْ منها قـُصـورْ
لا تحاسبْ ما تغيـّرْ شيّ لا تحـْصيْ الفروعْ

المباديْ راسخهْ تعـْجـَزْ تضاهيها الجسورْ
لايهمـّك شكلْ كلمهْ .. المهم اصلَ الطبوعْ

كلـّنا قصـّهْ جميلهْ وحـدنا خضنا العبـُـورْ
يومْ كانَ البعـْضْ ودّه نـنـْحنيْ له فيْ ركـوعْ

دايمْ احلمْ انـني اطيرْ ما حوليْ طيورْ
لا أخافْ من الضياعْ و لا أهابْ منَ الوقوعْ

يومْ انا طفلٍ صغيرْ وكلـْمتيْ طلـْقهْ تثورْ
فيهْ منْ يضحكْ بها معـْجبْ وفيهْ اللـّيّ جزُوعْ

كمْ حسودٍ سلطّ الله حولهَ انواع الدُبــورْ
دونْ ذنبٍ صارْ ليْ ثعـْبانْ منْ سمـّهْ يزوعْ

يا بعـَدْ كلّ الهوامشْ .. انتْ ليْ كلّ السـطُـورْ
يا بعـَدْ كلّ الربوعْ اليومْ ما ينفعْ ربوعْ

لا توقـّفْ عـنـْدْ عـثـْرهْ تكـْثَرَ انواعْ العـُثـُورْ
لا تلهـّيكَ السـّفوحْ القمهْ اجدَر بالطلوعْ

اذْكرَ اللـّي قالْ لكْ ما قالْ ليْ : خَوضَ البـُحورْ
يغـْرقَ اللـّيّ ما يطيقْ العومْ .. قلنا : ياقـُطوعْ

الحياه .. احيانْ حـزنْ و يتبعَ احزانـَهْ سُـرُورْ
و اكثـَرَ الاقـْدامْ لازمْ يسـْبـِقـَهْ بـعـْضَ الرجوعْ

وابـْتـِعـِدْ عـنْ كلّ بركانٍ ليا دلـّى يفـُورْ
النـّهـَرْ أقـْرَبْ وأعـْذَبْ ضـفـّتـَهْ كلهْ خـُضـُوعْ

النـّهـَرْ يا ( حبّ ) صافيْ .. لا هدِيرْ ولا غرورْ
والـْبـَحرْ ملحٍ وغـَدْرَهْ اهلكَ افرادْ وجـُمـُوعْ