الــــصـــديـــق مــوكــل صــديــق

أكو يمك قريب تشوفه بالعين---بس تحسه سيف يگطع الروح

واكو مو يمك بعيد وصعبه ينشاف---لچن من يمر اسمه يطيب الانيح ؟؟

واكو يحچي شكثر وتشوفه مخبوص---وكل حچي اليگوله ماله تأيد

واكو ساكت ابد ميسولف هواي---وبنظرت عيونه اينول الي يريد ؟؟

مرات الكلام السانه غدار---ومرات الكلام يخون اللسان

ومرات الي يحسن ينحسب سوء---ومرات اليسيء نحسبه احسان ؟؟

فرق بين الليالي النزلت الدموع---وبين الي تمر وترصع الخدود

مثل واحد عدل ما يدخل العين---وميت من زمان بنصهه موجود؟؟

مو سهله العيون تخون الدموع---ولا سهله الدموع تخون العيون

وصعب كلش اچفوف تخون السلاح---والأصعب اچفوف سلاحهه يخون

جرم واحد تشَربه بچفك الماي---وفجأه يصير چفك بين السنون

وشجاب اليعبرك يسحگ عليك---على واحد يشيلك فوگ المتون ؟؟

العجب مو باليتركك ساعة الضيج---العجب بالضيج أنته وما تركته

تعت بالروح عت وجرحك اچبير---ومن شفته وگع ما عفته شلته

سهل عندك تحطه ابنص العيون---لچن الصعبه يعمي اعيونك انته

الذنب مو بيك عمي توافي وياه---الذنب طاهر حليب الي رضعته

ولا ذنبه يخونك ما يوافيك---الذنب شحت الغيرة بوسط گصته

شباب حاب تنطوني رايكم بيه

تــحــيــاتــي

والله يا ابو كرار ورد كلاني ذووووووووووووق