عـــونـــك يـــاوطـــن قصيدة حصريا

عونك يا وطن يا بلد الحضارات

احضنك لو صرت كلك سجاجين

أخاف احجي ومن يصدك الخرافات

الك حبي سوالف على السلاطين

يابو الخير أنت تفيض خيرات

على الجيران وعيالك مساكين

حيطانك صفت بس للشعارات

أهوايه احزاب وشويه الحياطين

بينك والعرب قست المسافات

مثل بعد النبي عن الشياطين

العروبة والعروبه وهالتفاهات

تحت جرحـك أقدمهم قرابيـن

واحوك الجامعة (العربية) لجدمك نعالات

واشدن من عمرو موسى القياطيــن

**********************

وعراق الياوكت للضيـــف تشعل نار

وبهدومك تطب لو جاع خطارك

امس جارك بالجذب ما مر بيك

وأنت تصب حزن من ينجرح جارك

يضل ثارك كصب كلما نكصه يطول

شوكت سيفك تغمدة وينوخذ ثارك

دكة على الخشب لا ادكه على الحيطان

وعلى اوراق الصور لا تعلكه بسمارك

ولا ترد بدرب ما بيه عذر واتيه

وجيب وي النذر سجينة أعذارك

على المرمر غلط لا تخسر المنشار
كص هاوي الخشب ينهاب منشارك

وأشمر يوسفك بس وراه تراب

مو كل بير صدك يحفظ أسرارك

أمس كل العرب وكفوا مع الجلاد

يمدونه حطب من تنخمد نارك

عمرو موسى الشمر والجامعة بن زياد

وعراق انت الحسين وشعبك أنصارك

آنه هذا الوطن حالف له بالعباس

ما اخونه والله اش ما قست نارك
*****************

ولامونا كبل ما ثرنا عالطاغوت

ويطعنوننا ولا راعوا مشاعر
واحنا بكل فرع مزروع بعثيين

وبين الباب والشارع سواتر

أغيره بيش أغيره بيا شعب مظلوم

بالنسجوا ؟ بالباعو جكاير؟؟

أغير بيش أغيره وانت بيه تلوم
باليصفكـــــــــون بالباعــو ضماير

مو بس الارض تلكون بيها كبور
احفروا بكل قلب توجد مقابر
اليكلي عجل وألكاه يحب صدام

» قصيدة خشمي
» قصيدة للشاعرحامد الغرباوي
» [قصيدة] ملينة الجذب
» قصيدة عذاب الحبيب روووووووعة
» قصيدة (أمي) - للشاعر غانم الفياض