الــحـب حلـم

موضوع: الــحـب حلـم الأربعاء أبريل 14, 2010 2:52 pm

الحب الحلم

لوجِـان حُبـك حِـلِم.
كـَلبي دَرُب رحـّـال

بالروح اضمـّك هُوَة
وبعيني ارسمك خال

ادرِي انت فوكـَ السِمَة
وما تكفي ليك احبال

وادري انت بس للوصف
وحـجِـايَة التنكـَـال

بس هذا طبعي بـَعَد
ما ضـَل أنه بغربال

شوف الفرق من تُمُر
رسمي وطَـرِكـَ دلاّل

وانت الفرح بس الك
باحوال عال العال

كـَـالولي يمكِن يحِن
كـَـلت العشكـَ حيـّـال

كـَالولي يمكن يرد
كـَـلت الصبر جِـتـّال

ماضـَـل صبر وانتظر
ومنين اجيب البال

لهموم زادَت عـَلـَي
وجبال يابو جبال

واكثر بعد من يمر
طاري وحجِي العذّال

وتريدني اصبر بَعَد
وانطر يرِد خـيـّال

لو بيه رِجَة جِـان اجة
جِان اعتذر جِا كـَـال

بس هيـّـة تيـهَـة نَهَر
وبصحرة بس ارمال

ساعة اتّراوَة جبل
ساعَة اتّراوَة تلال

بس هيـّـة تبقـَة رَمـُل
ويصير ياما اشكال

دَرب النهر لو خـِلَص
يتحوّل لشلاّل

والشوكـَ دَربه يضـَل
وتـمُر عـَـلية أجيال

ويصير تربة وفـَرض
لولاه ماكو اعمال

لومات حُب بالكـَـلُب

خـَـل ينتحـِر صاحبـَة

بلياه المـَن ضــــال

كلام مميز وقصيده اكثر من روووعه
تحياتي