الى امي الحبيبة

يانغمة دللولج تنوم الليل
ومن سافرتي يمى الكلب ظل سهران
منو بيكم وطن وبهاي كلبي احتار
ومن قست الحزن متساوية الاحزان
اذن انتي وطن والبيه انا هنا
مجموعة مدن مخلوقة من حرمان
بصراوية انتي لحد نخاع الشط
وشطج يختلف بي صفنة من ريحان
يابوسة عوافي وضحكة بيها الماي
يصفن من عذوبتها ويظل غيران
تشميني بركبتج ويدك كلبي
احس الركبة وية شفايفج عرسان
مو زعلان لا والله مو زعلان
بس هو الفراك لفركتج زعلان

» شوق الحبيبة