مـُنتديآإت هـك،ــر الـبــصـ,ــرة
اهلا وسهلا بكم بمـُنتديآإت :/: هــكــر البــصـــرة /:/: نتشرف بدخولكم للمنتدى


هــلآ وآلـآـهہ يــآ~][.{زائر}.][~نــورتــــہ مـُنتديآإت hackeR Al basraH:
 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
أهــــلاًَ وسـهــــلاًَ:.:بــكـــم فــي--»مــنـــتـــديــــات-»-(¯`♥️ حيـدر الغانـم♥️´¯)-» يسـر ادارة المنتدى ان ترحب بجميع الاعضاء والزوار الكرام بربوع منتدياتنــا و نـتمنى لكم قضاء وقتـاًَ ممتعـاًَ ومفيـداًَ معنـامـع التقــديــر

شاطر | 
 

 اكثر من 75 ومضه لعيونكم

اذهب الى الأسفل 
كاتب الموضوعرسالة
حيدر الغانم
My LovE=IRaq
My LovE=IRaq
avatar

الجدي
ذكر
عـدد الرسائـل : 1328
السكـن : البصــرة الفيحــاء
تاريخ الميلاد : 04/01/1991
الـعـمـر : 27
مـزاجــي! : Naice!
الـوظـيـفـه : Stook
نـقــاط الـتقـيـيـــم : 55103
92
تاريخ التسجيل : 09/12/2008
ماهو هَدفك في الحيـاة؟ : الاستقرار في الحياة على جميع الاصعده.
حضك ويه حبيبـك؟ : حـلــــــو
كلمـة تحب تكولها لحبيبـك؟ : I Love You!!!
النـادي المفضـل؟ : Real madred
فنانـك المفضـل؟ : kazem alsahier
مقـولتـك.او مثلـك الاعلى! : اياك ان تجعل قلبك يسيطر على عقلك؟

مُساهمةموضوع: اكثر من 75 ومضه لعيونكم   الأربعاء أبريل 14, 2010 2:29 am

السلام عليكم

جبتلكم مجموعه كبيره

من اجمل الومضات

وانشاءالله تنال اعجابكم
ــــــــــــــــــــــــــــــــــــــــ
ــــــــــــــــــــــــــــــــــــــــ

أجيت وكلشي بيه وراد يفرح بيك
الجدم كل خطوه من يمشي يبوس بدربه
وكلبي بكل شي فرق وأعترف خسران
بس عنده المهم من يوصل الكلبك
وأكولن راح اسولف كلشي من الكاك
وأصفن وأنشده من أكعد بكربك
وأكول شكد حلو ياربي شحجي وياه
وأشككه السوالف واكتفي بسبك
هلكد ما أحبك خلص حته الشوك
ماحبك كمت من كثر ماحبك
ــــــــــــــــــــــــــــــــــــــــ
ــــــــــــــــــــــــــــــــــــــــ
لتكلي انتظر والينتظر لاوين
وين تعوفني وتترك انيحك وين
رايح وين يابعدين ترجع يالكلت بعدين
رايح وين واحنه اشفنه منك خل نشوفك زين
رايح وين اجيب مين مثلك وانته مدري مين
ياكله السهر لوماتشوفك يوم
وانته اله الوسن وتنام بيك العين
رايح وين وانه الوين الك يالماالك كل وين
ــــــــــــــــــــــــــــــــــــــــ
ــــــــــــــــــــــــــــــــــــــــ
جيت اشوفك مالكيت بعيني شوف
الشوف كبلي اتعنه راح ايشوفك
ردت اعوفك ماشفت بيدي جفوف
لان راحن جلـــــبــــــن بجـــفوفك
ــــــــــــــــــــــــــــــــــــــــ
ــــــــــــــــــــــــــــــــــــــــ
انته شكد حلو وشكد فرق علناس
لااخ اليشبهك لاابن عـــــمك
دمك يافصيله وصنفك انته مين
دومك مشتعل ومنور اليمــــــك
وهنياله الينجرح البصفك افد يوم
من يحتاج دم ينطونه من يمك
ــــــــــــــــــــــــــــــــــــــــ
ــــــــــــــــــــــــــــــــــــــــ
لمن رماني بسهم من سهمه مادنكت
ماطاح بيه السهم بظلي طاح وطحت
ــــــــــــــــــــــــــــــــــــــــ
ــــــــــــــــــــــــــــــــــــــــ
احبك حب ابد مامر عله انسان
وتدري اشكد احبك راح افهمك
اتحلمت انه بالجنه وانــته بالنار
كفرت بديــني حته انتقل يــمك
ــــــــــــــــــــــــــــــــــــــــ

ــــــــــــــــــــــــــــــــــــــــ
حقك ياترف ماتدري اغار اعليك
ومن الغيره ماتدري اشجرالي
شفت مره خيالي ايطح تحت رجليك
جبت السيف ردت اذبح خيالي
ــــــــــــــــــــــــــــــــــــــــ
ــــــــــــــــــــــــــــــــــــــــ
من تروح وياك بس أخذ السلام
السلام وغيره لاتنقل حجي
بودي حته البجي اتوصله ابجف اديك
ولو صدك يوصله وصلت البجي
ــــــــــــــــــــــــــــــــــــــــ
ــــــــــــــــــــــــــــــــــــــــ
شكد شايف شفايف فوكهن شام
ومثل شفتك فلا ملتقي بشفه
ياكل مره شفته وجان جوعان
ومن كد ماحلو عظته اللفه
ــــــــــــــــــــــــــــــــــــــــ
ــــــــــــــــــــــــــــــــــــــــ
شرد اكلك شرد أوصفك استحي
انته مو حقك إذا آكلـــــك ملاك
وانته تدري اشكــــــــــد احبك
بحيث من تهد علي افزع وراك
احذرك لوتريد اتسوي عركه وياي
ماشايفني حقك لمن اتعــــــــارك
اشك حلكك ابوسه ومنك اخذ ثار
بلكي اتهد عليه وتاخــــذ بثارك
ــــــــــــــــــــــــــــــــــــــــ
ــــــــــــــــــــــــــــــــــــــــ
ايه من الجمــــال ويصعب الــــتفسير
شنهو انه وافســــر للخـــــلك أيــه
اجه مره كــــــعد يــــم المرايه احتار
دنة نفسه عله روحه وباس المرايه
ــــــــــــــــــــــــــــــــــــــــ
ــــــــــــــــــــــــــــــــــــــــ
حبيبي اطلب علي وانه الك ممنون
لاانطيك عـــــــيني ولا اعوفـــــــك
موبخلآ حبيبي وشــــنهي العيون
اذا انطيك عيني ابــــيــش اشوفك
ــــــــــــــــــــــــــــــــــــــــ
ــــــــــــــــــــــــــــــــــــــــ
فتت من باب بيتك والكلب ذاب
ومدري اشوكع مني من حنيني
رجعت لبيتنه واندكــت الـــباب
فتحت الباب واحد جــاب عيني
ــــــــــــــــــــــــــــــــــــــــ
ــــــــــــــــــــــــــــــــــــــــ
دورو ماكو بحلاتج ورادو ايوصفوج كوه
نوع نادر ماكو منج يمكن أتشبهين حوه
سكتو اشيحجون عنج مين مايبدون بلوه
والعجيبة أنتي بجمالج حته لومو حلوه حلوه
ــــــــــــــــــــــــــــــــــــــــ
ــــــــــــــــــــــــــــــــــــــــ
عله كيفك عسل هالحنيه
مو أحبك ارحم شويه
عله كيفك بالهداوه
موتتني بهالحلاوه
بست خدك صار سكر بيه
ــــــــــــــــــــــــــــــــــــــــ
ــــــــــــــــــــــــــــــــــــــــ
نضرتك بالحلم لن الحلم مذبوح
وبسيفك تحد انته الركبته
بعد اشلون اشوفك وأرد احاجيك
أذا حته الحلم بيدك ذبحته
ــــــــــــــــــــــــــــــــــــــــ
ــــــــــــــــــــــــــــــــــــــــ
كلشي بيه ايكول احبك
وكلشي بيك ايكول احبك
انته ظلك يحجي بــــيك
وكلك اتموت عـلــه كلك
ــــــــــــــــــــــــــــــــــــــــ
ــــــــــــــــــــــــــــــــــــــــ
مــــــن شفـــتـــــك عــــــــلـــــه الــدرب
شلع ضلوعه الكلب واتعـــــنه وتلكـــــاك
وعيوني اخذه البجي وتيهت حته الحجي
من ردت اكلك هله شــــو كتلك الله وياك
ــــــــــــــــــــــــــــــــــــــــ
ــــــــــــــــــــــــــــــــــــــــ
تسالني عله حالي شلون حالك صار
منته بحالي تدري وتسألني شلونك
انه شمدريني بيه وانته عني بــعيد
انه متانيك اشوفن حـــالي بعيونك
ــــــــــــــــــــــــــــــــــــــــ
ــــــــــــــــــــــــــــــــــــــــ
احس كلــبي يـــنوح بطاري الفراك
وشفت وجهك حبيبي وثكلت نوحي
انه لومثلك حـــلو جا ماطلعت الباب
والله وداعتك جا جــــــومت روحي
ــــــــــــــــــــــــــــــــــــــــ
ــــــــــــــــــــــــــــــــــــــــ
امي ماتت بالمفــــــــــخخ والدمار
كلت مادفنه خــــــــــل تشبع هوه
هيه كل يومــــين ثالثه انـــــــفجار
امتاني ابويه ايموت وادفنهم سوه
ــــــــــــــــــــــــــــــــــــــــ
ــــــــــــــــــــــــــــــــــــــــ
تسمع غير صوتك اذني ميصير
وعيد دنيانه لون صوتك اجاني
كون الصوت بالجف ينلزم كون
اجيب الصوت من حلكك لذاني
ــــــــــــــــــــــــــــــــــــــــ
ــــــــــــــــــــــــــــــــــــــــ
جمالك سبب مشاكل كل الجبال
لأن حسنك عجيب وسبب بكلبي شلل
ردت اوصفك أجرأت بس عالكتاب
شكك اهدومه وعلي هد القلم
ــــــــــــــــــــــــــــــــــــــــ
ــــــــــــــــــــــــــــــــــــــــ
حقي من اختصر وياك انه الشوف
مو سهله القضيه وحيل خطره
ضامي وخاف اخلصك من اصد ليكم
لذالك صرت اشوفك كطره كطره
ــــــــــــــــــــــــــــــــــــــــ
ــــــــــــــــــــــــــــــــــــــــ
عله عيونك تصد وتشتكي الناس
جم فارس اجه وبرموشهن ضاع
أذاصديت مو بس تسطر البال
أذاعالكاع تنظر تسطر الكاع
ــــــــــــــــــــــــــــــــــــــــ
ــــــــــــــــــــــــــــــــــــــــ
اذاموبيك افكريعني ماموجود
لان بس بيك افكركل وكتي اني
واذاتعرف مكانك بية وين ايصير
بس شوية اوخرتطلع اهنانه
ماأجيك لاوحك كل دمعه نزلت ماجيك
اشتريك يالبعتني والزمن غشاني بيك
وصعبه ابيعك مو لأن غالي الثمن
بس افكر من ابيعك هم اغش اليشتريك
ــــــــــــــــــــــــــــــــــــــــ
ــــــــــــــــــــــــــــــــــــــــ
لاتطالبني بأمر بي معجزات
وانته تدري بكلبي مايتعذرك
اتريد مني اتذكرك شي مستحيل
أي غير كون انساك حته اتذكرك
ــــــــــــــــــــــــــــــــــــــــ
ــــــــــــــــــــــــــــــــــــــــ
اكص الساني خاطر ماأحاجيك
وخاطر ينتهي البينك وبيني
ولكيت انوب عيني اتسولف وياك
يعني شلون اكص السان عيني
ــــــــــــــــــــــــــــــــــــــــ
ــــــــــــــــــــــــــــــــــــــــ
من جمالك كله توكف
وأني غامرني السكوت
لأن بس احجي بجمالك
يصعد السكر وأموت
ــــــــــــــــــــــــــــــــــــــــ
ــــــــــــــــــــــــــــــــــــــــ

اذا شمسين تطلع كارثه اتصير
جمالك هذا كلي مين جبته
اتفق وي الشمس لاتدوخ الناس
لو تطلع شمس لو تطلع انته
ــــــــــــــــــــــــــــــــــــــــ
ــــــــــــــــــــــــــــــــــــــــ
يالجمالك بالمدارس درسوه
والصفوف انترست بحبك ترس
ورسبو الطلاب كلهم بالاخير
خلصوه استاذ عيدنه الدرس
ــــــــــــــــــــــــــــــــــــــــ
ــــــــــــــــــــــــــــــــــــــــ
أنتَ يلي انواع بيـــــــــــك من الجمال
كلــي هم تنبـــــــاع حته انه اشتريك
يمــ المرآيــه الخلّك توكــــف تشوف
وأنتَ المرآيـــه تجي تبــاوع عليـــــــك
ــــــــــــــــــــــــــــــــــــــــ
ــــــــــــــــــــــــــــــــــــــــ
لأن تضوي وترف وينشاف ضي البيك
تخجل من ظواك وتنطفي الشمعه
وأظن عشرين وأكثر حملت اني بيك
لأن دقة جمالك مو حمل تسعه
ــــــــــــــــــــــــــــــــــــــــ
ــــــــــــــــــــــــــــــــــــــــ
مو بس اني اذوب واخدر اعليك
من احلم بيك حتى فراشي يخدر
من كَال الكَمر يفتر على الكَاع
الكَمر شافك وداخ وكَام يفتر...
ــــــــــــــــــــــــــــــــــــــــ
ــــــــــــــــــــــــــــــــــــــــ
صدكَ كلش حلو وعندك حسن ماصار
وصدك تكتـــل مشيتـك من تلف خصرك
خل اسكــت بعد ماداعي اوصف بيك
اذا شفتك تريد تبوسك بحلكَك
ــــــــــــــــــــــــــــــــــــــــ
ــــــــــــــــــــــــــــــــــــــــ
جماعه تكول عنك مو بشر حآشاه
وجمآعه تكول حتمآ موبشر حتمآ
واختلفوا عليك وبيك ما يدرون
أنسآن وملاك بواحد انجمعن
ــــــــــــــــــــــــــــــــــــــــ
ــــــــــــــــــــــــــــــــــــــــ
اجيت ارثيك واتغزل بالاوصاف
وطفي بشوفتك جمرة لهيبي
شوصفك يا رسول الله وشسميك
اذا الله يكلك يا حبيبي
ــــــــــــــــــــــــــــــــــــــــ
ــــــــــــــــــــــــــــــــــــــــ
دوس اعله الورد صار الورد ينداس
بس عطر الورد ماتكدر ادوسة
يصح واحد جريمة اعله الوجه ينباس
واحد با الرجل نستاهل انبوسة
ــــــــــــــــــــــــــــــــــــــــ
ــــــــــــــــــــــــــــــــــــــــ
حلوكلك حلوبس احله مابيك
محد بالحسن شايل صفاتك
العسل بس العسل يتشابه اوياك
ولان شافك حلو صار بحلاتك
ــــــــــــــــــــــــــــــــــــــــ
ــــــــــــــــــــــــــــــــــــــــ
عندك نور يشبه نور الهلال
يعني انتة كمر وهلال تنقاس
اصعد فوك بيتك باجر وشوف
اذا مو عكب باجر تفطر الناس
ــــــــــــــــــــــــــــــــــــــــ
ــــــــــــــــــــــــــــــــــــــــ
علي صح بالولادة الطفل عمره ابيوم
ويوم المنولد يوم اول ابعمره
بس انته العجيبه ابكعبتك مولود
اجيت اكبر بعد من عمرك ابمره
ــــــــــــــــــــــــــــــــــــــــ
ــــــــــــــــــــــــــــــــــــــــ
اليشوفك تعمه عينه من ضواك
والمايشوفك عمت عينه شكد خسر
فدوه لاتطلع اخاف يفرهدوك.
..لان ماموزعين بالحصه شكر
ــــــــــــــــــــــــــــــــــــــــ
ــــــــــــــــــــــــــــــــــــــــ
بيت عمي وبيتنه جا نن سوه
لان عمي الوحده وماعنده بيت
واذكر احتاجيت مره وردت ابيع
ردت ابيع البيت بس منه استحيت
كتله عمي الوكت بس ما كملت
كال فرغ البيت عمي انه اشتريت
ــــــــــــــــــــــــــــــــــــــــ
ــــــــــــــــــــــــــــــــــــــــ
أنه كل البيَّ الك
وأنته كل البيك الي
وحتى لو أنته تصير الغير واحد
أنه أصيرن غير واحد
حته بلكي تصير الي
ــــــــــــــــــــــــــــــــــــــــ
ــــــــــــــــــــــــــــــــــــــــ
الناس تخاف ماتحمل هوايات
الهويه بجيبهم يعني المنيه
وذبوهه الهويه وطلعو الناس
لكوهم جثث مجول الهويه
ــــــــــــــــــــــــــــــــــــــــ
ــــــــــــــــــــــــــــــــــــــــ
بعيونك ردت الكََالي فد عيب
حته الكََاها حجه واكره عيونك
شفت عينك مزار وكربله وعاشور
وجن يوم الطبكََ من تطبكََ جفونك
ــــــــــــــــــــــــــــــــــــــــ
ــــــــــــــــــــــــــــــــــــــــ
عليج شكد اخاف شكد اداريج
حبيبي اتمنه داخل كلبي اضمج
اذا مو انتي بيهه الدنيه شتفيد
ولج هم زين ابوج تزوج امج
ــــــــــــــــــــــــــــــــــــــــ
ــــــــــــــــــــــــــــــــــــــــ
ثق لو بلعراق ايصير طوفان
ونبي الله نوح يرد علينه
يباوع بلبشر مايلكه انسان
يصعد وحده وتمشي السفينه
ــــــــــــــــــــــــــــــــــــــــ
ــــــــــــــــــــــــــــــــــــــــ
حاول ترسم شجره وكيحه تضحك من يضربها الفاس
وحاول ترسم واحد ميت روحه ورده ادوسه الناس
وحاول ترسم خد الذل يجدي البوس وما ينباس
وحاول ترسم عاكول اشتم عطر الياس
بس كلش لتحاول ترسم وضع حسين
من شاف اجفوف العباس
ــــــــــــــــــــــــــــــــــــــــ
ــــــــــــــــــــــــــــــــــــــــ
بعيد ميلادك حرت شهديلك .
اهدي وردة شلون وانتَ الورد ماظن يوصلك
اهدي عيني .؟ شلون تقبل غير عيني تصد ألك
راح أغلفك بآجر آنـي من الصبـح وأهديـك ألـك
ــــــــــــــــــــــــــــــــــــــــ
ــــــــــــــــــــــــــــــــــــــــ
كاعد يمي اشوفك ايد فوك الايد
ومفتون بجمالك والكلب يسعر
تكَرب يمي خدك وانه اكلك روح
اخافن بس ابوسك يصعد السكر
ــــــــــــــــــــــــــــــــــــــــ
ــــــــــــــــــــــــــــــــــــــــ
نتاني اشكد بعد ليهسه ماجيت
بصابعنه اشكثر نحسبلك أيام
انت هلال عدنه وشوفتك عيد
واذا ماشفنه وجهك نبقى صيام
ــــــــــــــــــــــــــــــــــــــــ
ــــــــــــــــــــــــــــــــــــــــ
نتاني اشكد بعد ليهسه ماجيت
بصابعنه اشكثر نحسبلك أيام
انت هلال عدنه وشوفتك عيد
واذا ماشفنه وجهك نبقى صيام
ــــــــــــــــــــــــــــــــــــــــ
ــــــــــــــــــــــــــــــــــــــــ
انـه نص واحد بقيت وانته هم نص مثلي فاقد
يعني بس زائد نريد انــه وانته نصــــير واحد
ــــــــــــــــــــــــــــــــــــــــ
ــــــــــــــــــــــــــــــــــــــــ
امس يم دجله واكف ردت تشرب ماي
شال انيفه دجله وشربك مايه
ــــــــــــــــــــــــــــــــــــــــ
ــــــــــــــــــــــــــــــــــــــــ
أجرنه الأعشاش من العصافير
خاف من الرصاص بيوتنه تطير
وطاح العش كبل حيطان البيوت
فكـــــــــر عمّينه حته عله العصافير
ــــــــــــــــــــــــــــــــــــــــ
ــــــــــــــــــــــــــــــــــــــــ
ايه من الجمال ويصعب التفسير شنهو انه وفسر للخلق ايه
اخذ مره كعد يم لمرايه احتار
دنت نفسه اعلروحه وباس لمرايه
الرد
ايه من الجمال او ماكو كل تفسير
وذره من الحسن ما توصل الايه
اخذ مره تمشه اعله الجسر وياي
خنق نهر الفرات وغركه امايه
ــــــــــــــــــــــــــــــــــــــــ
ــــــــــــــــــــــــــــــــــــــــ
كلش مو طبيعي ودخت كلش بيك
داخت لمن حجت وياك كلماتي
بحلاتك سيدي وينكالك مولاي
ومن كد ما حلو كتلك يا مولاتي
ــــــــــــــــــــــــــــــــــــــــ
ــــــــــــــــــــــــــــــــــــــــ
يا عيسى بن مريم والله محتار
.شريد اكتب عليك وابتدي منين
يبدي البشر نطفة وينتهي بموت
وانته اول بشر مامر بلثنين
ــــــــــــــــــــــــــــــــــــــــ
ــــــــــــــــــــــــــــــــــــــــ
بعد كلمة احبك ما تجي ويـــآك
شأكلك وآنه روحي تعلكت بيك
وبعـد صدك ولا اجيبك على البال
بوسط الـبـــال اجيبنك واخليك
ــــــــــــــــــــــــــــــــــــــــ
ــــــــــــــــــــــــــــــــــــــــ
اذا مره احبك كلشي ما سويت ..
واذا مليون احبك يعني ماحبك
دخفف من جمال البيك يبن الناس
.. الوادم من جمالك كامت اتسبك
الرد
دخفف من جمالك ذب رجل ذب ايد
ذب شعــرك امـعود لا دذب خضرك
بس تبقى حلو اي وحك من سوآك
لو مو تذب ايدك لو تذب كلّـــــــــــــك
ـــــــــــــــــــــــــــــــــــــــ
ــــــــــــــــــــــــــــــــــــــ
انه من الزم قلم واكتب كلام
تعتني كل القوافي اطوفني
لان مانيح ابكثر جرح السنين
وحتى جرح البية كام ايروفني
صادقت بس ما شفت صاحب صديق
وعافي الما ضنيت يوم ايعوفني
كل اليعاين بالمراية ايشوف
وكمت اباوع علي بس ما اشوفني
ــــــــــــــــــــــــــــــــــــــــ
ــــــــــــــــــــــــــــــــــــــــ
شعرك طآر فوك عيونك الحلوت ..
واذا طكه الهوا يتلاعب بخصرك ؛؛
يمكن مآي شعركـ واعتقد شلال
وأذا شعرك توصــخ تغسلـه بشعرك
ــــــــــــــــــــــــــــــــــــــــ
ــــــــــــــــــــــــــــــــــــــــ
ـيل حلاة البيك ذابت والله بيك
تدري منك غــــار بستان الورد..
انتَ ربك نزلك جنه اعله كــاع
وانتَ نازل ملك مــن جنة خُلد
ومن تهز بجتفك الــوادم تطيح
لــن جمال البيك ماردهم مــرد..
ربك انتَ انطاك ميزة علـى العباد
تطلــــــــع بتموز تكلبها بـــــــــــرد
ــــــــــــــــــــــــــــــــــــــــ
ــــــــــــــــــــــــــــــــــــــــ
أنت شمعه وآنه صاير بيك خيط
وأنت صح تموع بس آنه أحترك
ــــــــــــــــــــــــــــــــــــــــ
ــــــــــــــــــــــــــــــــــــــــ
غفله وراح صبح بالسويد اهناك
اشتغل عامل محطه اوغير العادات
كبل جانت كلمته كلها يامولاي
وعراقيته نساهه التهى بالحلوات
لكيته اليوم كاتب قطعه بالايميل
مارحب عراقي اوياي يدخل جات
ــــــــــــــــــــــــــــــــــــــــ
ــــــــــــــــــــــــــــــــــــــــ
احبك انت احبك ما احــــــــب الغير
واكَلك غيــــــر حبك ما احبــــــــن
كون ان بحر واتمنى اغرك بيك
خاطر من اموتن بيك امــــــوتن
ــــــــــــــــــــــــــــــــــــــــ
ــــــــــــــــــــــــــــــــــــــــ
الي يكلك احبك بعد انفيه
وماريدن بعد واحد يحبك
لان طبعي غيور وكلش اعصاب
واغار عليك صدك حتى منك
ــــــــــــــــــــــــــــــــــــــــ
ــــــــــــــــــــــــــــــــــــــــ
علي حبك حبيبي واجب ايصير
وعلى الاحوط وجوبن اني احبنك
فتوة من الكلب نزلهة من اسنين
يصير احساسي باطل لو اعوفنك
ــــــــــــــــــــــــــــــــــــــــ
ــــــــــــــــــــــــــــــــــــــــ
ما اريدن يجهد السانك كلام
انا افتهمك اذا تهمس همس
اليوم ما شفنه شمس وكت الشروق
ليش ما تصعد تصير انت الشمس
ــــــــــــــــــــــــــــــــــــــــ
ــــــــــــــــــــــــــــــــــــــــ
مو بس آني أذوب وأخدر إعليك
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر
ــــــــــــــــــــــــــــــــــــــــ
ــــــــــــــــــــــــــــــــــــــــ
شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تعايدني أول ألناس
ــــــــــــــــــــــــــــــــــــــــ
ــــــــــــــــــــــــــــــــــــــــ
يا ورد الاجيبه بمولدك يا لون
ويا لون اليناسب كلي وي عيدك
ومن جبت الورد شفت انه موقف صار
الورد منك خجل دنك يبوس ايدك...
ــــــــــــــــــــــــــــــــــــــــ
ــــــــــــــــــــــــــــــــــــــــ
كلش دخت بيك أمنين مخلوق
اذا من طين اشكن كلش بهاي
كلها ابماي تنظف تسبح الناس
وانته يلوح جسمك ينظف الماي
ــــــــــــــــــــــــــــــــــــــــ
ــــــــــــــــــــــــــــــــــــــــ
يلشفتك بحر وتروي كل عطشان
واليصفن بشفتك ينسبي سبايه
الناس من العطش تركض وره الماي
وانته الماي يركض شربك مايه
ــــــــــــــــــــــــــــــــــــــــ
ــــــــــــــــــــــــــــــــــــــــ
كضيتو الوكت بالدول تفترون
يومية الرأيس بدولة يستاهل
يطوًرلي العلاقة يريد وية الصين
او اني وية الفضل مااحجي مزاعل
ــــــــــــــــــــــــــــــــــــــــ
ــــــــــــــــــــــــــــــــــــــــ
مره خابرني شخص يطلب العون
والمصيبه الساعه بلوحده الظهر
والمصيبه اني صح املك اسلاح
ولمصيبه اسلاحي طلقاته حبر
ولمصيبه الرقم عني موغريب
ولمصيبه واحد اتلاثه صفر 130
ــــــــــــــــــــــــــــــــــــــــ
ــــــــــــــــــــــــــــــــــــــــ
تتأمل وطن ماشايف الشافه
قرت فنجانه طلعت عبوه بلفنجان
طك فنجانها وماتت العرافه
ــــــــــــــــــــــــــــــــــــــــ
ــــــــــــــــــــــــــــــــــــــــ
صاحو بالجوامع باجر العيد
وعدنه من الفرح نرمي التقاليد
ومن حركة فرحتي تلث شواجير
رميت ابندقيتي وكتلت العيد
ــــــــــــــــــــــــــــــــــــــــ
ــــــــــــــــــــــــــــــــــــــــ
أختصر ربك بعينك كل جمال اكون
وبخدودك ترافه الماحواها انسان
موش السان واحد يكفي يوصف بيك
يالوصفك بعد يرّادله الف لسان
الشوارع من تمرهه تصير كلهه حلوك
حتى تبوس جدمك من تمر يفلان
ليليه على بالي واظل صافن بيك
عالحيطان ارسمك واشبك الحيطان

كون حتّه من امشي عنّك
الكه واحد نسخه منّك
ــــــــــــــــــــــــــــــــــــــــ
ــــــــــــــــــــــــــــــــــــــــ
أحجيلك حقيقة وعدنه واقع حال
وأعذره الكال مو واقع طريفة
خمسة ابيت عدنه تعينوا بفلوس
وخمسة ابيت ماعدهم وظيفة
ــــــــــــــــــــــــــــــــــــ
ــــــــــــــــــــــــــــــــــــ
بالك لتصرف نظر
كلساع الي يكولون
وكدامي انت اوكفت
من دون كل الكون
باوعت ماسيطرت
شعلية باليحجون
والنظر لو بيه صرف
جاخلصن من شوكت
جاهسة ماكو عيون
ــــــــــــــــــــــــــــــــــــــــ
ــــــــــــــــــــــــــــــــــــــــ
عشكتة وماعشكتة بهاي ياريت
ابتليت بحبة على امري وزماني
لان من شفتة رأسا طاحت العين
شلت عيني وكلت يارب شجاني
وسالمتة ومشة لحكنة الجفوف
وحتى اهدومي ركضن من جزاني
واخاف انوب يحجي وكارثة تصير
لان بس صوتة اسمعة تطيح اذاني
ــــــــــــــــــــــــــــــــــــــــ
ــــــــــــــــــــــــــــــــــــــــ
فركتك ساعة بسنة
الساعات يعني سنين
واليوم يعني قرن
ماشفتك بيومين
عمرت فوك القرن
جا اني ذو القرنين


ــــــــــــــــــــــــــــــــــــــــ
ــــــــــــــــــــــــــــــــــــــــ
عليك الناس تحجي اشكال والوان
وتكول انته الذهب والذهب من ساسك
بعد بيمن نقارن لو نحط مقياس
نقيسك بالشمس وانته الكمر قاسك

ارجو ان نالت اعجابكم
تحياتي للجميع



****____ مُــنتــديـــات (-_- هـكـــر البصــرة -_-) فـي خـدمتــك دائـمــاًًََ ____****


مــنـــتـــديــــات »-(¯` حيـدر الغــانــم ´¯)-»

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://basrah.hooxs.com
عاشقه ومتيمه
*وردة المنتـدى*
*وردة المنتـدى*
avatar

العذراء
انثى
عـدد الرسائـل : 168
السكـن : النجف الاشرف
تاريخ الميلاد : 30/08/1993
الـعـمـر : 24
مـزاجــي! : مـتـقـلــب
الـوظـيـفـه : طالبه
نـقــاط الـتقـيـيـــم : 33711
18
تاريخ التسجيل : 13/11/2009
ماهو هَدفك في الحيـاة؟ : الارتباط بحـــب حيـــاتي الوحـــيد
حضك ويه حبيبـك؟ : ممتــــاز
كلمـة تحب تكولها لحبيبـك؟ : ويـــــاك لاخــــر نفس بــيـــه
النـادي المفضـل؟ : لا يوجد
فنانـك المفضـل؟ : حسام الرسام $ابن العراق$
مقـولتـك.او مثلـك الاعلى! : الساكت عن الحق شيطان اخرس

مُساهمةموضوع: رد: اكثر من 75 ومضه لعيونكم   الجمعة أبريل 30, 2010 4:18 am

يسلموووووووووووووووووووو
ومضات كلش كلش حلوه
وعجبتني تسلم ايدك ياذوق
تحياتي لحضرتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اكثر من 75 ومضه لعيونكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـُنتديآإت هـك،ــر الـبــصـ,ــرة :: * • ♫*♥*♫•الـقـســم الـمــنـــوع من الاغـانـي العراقيـة وغـيـرهــا• ♫*♥*♫• * :: منتـدى الشـعــر والأدب-
انتقل الى: