شعر للشاعر عادل محسن (البنات _ وكل شئ ينباع)

الســــــــلام عليكم
هاي بعض اشعار للشاعر الكبير
عــــادل محســــن بعنوان ( البنات _ وكل شئ ينباع)


***البنــــــات***
لا تكولون الذنب ذنب البنات وبالهوى اتكولون ماعدهن وفة
كلوبهن ترفة ورقيقات النساء الله خالقهن حنان وعاطفة
الف هنيالة اليحب طيبة صفات والف هنيالة العلى ايدها غفة
رقة واحساس ووفة وطيبة وجمال وابد ادم ماحمل هاي الصفة
على كيفك وية قوارير الزجاج ولا تخليها بمهب العاصفة
تدري شيحس الكلب لوهن يوم ايمرن كبالك طيور امزلفة
وتدري عينك تفرح وبيهن تشوف لوحة من ربك جميلة مزغرفة
ابيهدة وية حواء مو ذني البنات اجفوفهن لانيحنة بيها الشفة
انت يلي تكول باعتي برخص انتة مو كد الهوى ولا تعرفة
الغزال ارهيف وبسرعة يطيح من تتعبة وفوك حملة انكلفة
الذنب ذنبك انتة للفركة اعتنيت وجان كلب الحلوة بيدك واختفى
هي جانت كمر وبدربك ينور وانت خليت الكمر بيدك طفة
وانت يلي تكول عافتني


***كل شي ينباع***
كل شي بهل الزمن ينشري وينباع عدا نبض الكلوب ودمعة العين
بأموالك تحصل راحة البال بس ماتنجمع بالمال كلبين
الحب يعني تذوب الروح بالروح الورد ةلا مايورد الا بالطين
الذهب يلمع بريقة ويسحر الناس بس عمرة الذهب مابجة العيون
وحيبيبك من يغب عليك لحظات عقلك ينتهي ويصيبك اجنون
يصب دمعك على الخد مثل الاطفال وتظل تناطر اليرحون ويجون
نملك مال بس اغلى امن الاموال حبايب ساعة الشدة يوافون
رصيد الحب جبير وماخلص فديوم بس كلمة حبيبي اتعادل الكون

تحـــــــياتي الكم
وان شاء الله يعجبكم